काठमाडौँ । दार्चुला जिल्लाको दुई मतदान केन्द्रमा मतदानका लागि मतदाता आएका छैनन् ।  दार्चुलाको नौगाढ गाउँपालिका १ नागुको गौरीशंकर ममाध्यामिक विद्यालय र अपि हिमाल गाउँपालिका ३ को दुधिलास्थित झुक्सु मतदान केन्द्रमा मतदाता नआएको दार्चुलाका मूख्य निर्वाचन अधिकृत भुवन गिरीले जानकारी दिए ।
‘हामी सबै तयारी गरेर बसेका छौँ । सुरक्षा व्यवस्था पनि चुस्त छ । तर यहाँ १० बजेसम्म पनि एकजना पनि मतदाता आएका छैनन्,’ गिरीले  भने ।

स्थानियका अनुसार यहाँका स्थानीयले ‘नो भोट’ भन्दै विरोध गरेको छन । आफ्नो गाउँमा रोड नपुगेको भन्दै र सरकारले अरु सेवा सुविधा पनि नदिएकोले भोट हाल्न नसकिने स्थानीयले बताउने गरेका छन्।

गिरीका अनुसाार गौरीशंकर माविमा ६०२ मतदाता छन् भने झुक्सुमा ३४६ जना मतदाता छन् ।