अग्निज्वाला/ चितवन : ‘चितवन सुरक्षित छ’ भन्दै होटल तथा रेष्टुरेन्ट व्यवसायी संघले बिहान शान्ति र्‍याली निकालेको छ । चितवनको पछिल्लो घटनाक्रमले देशभर नकारात्मक सन्देश गएकोले त्यसलाई चिर्न र्‍याली निकालिएको होटल तथा रेष्टुरेन्ट व्यवसायी संघका अध्यक्ष दिपक ढकालले  जानकारी दिए ।
साउन २० गते नारायणगढको पोखरा बसपार्कमा रहेको कंगारु होटलमा पत्रकार शालिकराम पुडासैनी झुण्डिएको अवस्थामा फेला परे पछि सामाजिक सन्जालमा चितवन सुरक्षित छैन भन्ने अफवाह फैलिएकोले त्यसलाई चिर्न आज (सोमबार) शान्ति र्‍याली निकालिएको ढकालले बताए । ‘पछिल्लो घटना पछि सामाजिक सन्जाल मार्फत चितवन सुरक्षित छैन भनेर जुन अफवाह फैलिएको छ त्यसैलाई चिर्न हामीले शान्ती र्‍याली निकालेका हौ – उनले भने ।’