गोताबाया राजपाक्षे अमेरिकी ग्रीन कार्डको पर्खाइमा श्रीलंकामा राजनीतिक उथलपुथलपछि देश छाडेर भागेका पूर्वराष्ट्रपति गोटाबाया राजापाक्षे अब अमेरिकी नागरिकता लिने तयारीमा छन् । राजापाक्षे, उनकी श्रीमती र छोराहरू अमेरिकामा बस्नका लागि अमेरिकी ग्रीन कार्ड पर्खिरहेका छन्। श्रीलंकामा राजापाक्षेको राजिनामाको माग गर्दै ठूलो मात्रामा विरोध प्रदर्शन भइरहेका बेला पूर्व राष्ट्रपति गत महिना देश छोडेर भागेका थिए। पहिले माल्दिभ्स र त्यसपछि सिङ्गापुरमा क्याम्प बसेपनि अहिले अमेरिकामा बस्ने तयारीमा छन् । 

गोटाबायाकी श्रीमती अमेरिकी नागरिक हुन्

श्रीलंकाको अखबार डेली मिररले दावी गरेको छ कि अमेरिकामा राजापाक्षेका वकिलहरूले गत महिना ग्रीन कार्ड प्राप्त गर्न प्रक्रिया सुरु गरेका थिए। पूर्व राष्ट्रपति आफ्नी श्रीमती लोमा राजपाक्षे अमेरिकी नागरिक भएकाले आवेदन दिन योग्य छन् । राजापाक्षेले सन् २०१९ को राष्ट्रपतीय चुनाव लड्न अमेरिकी नागरिकता त्यागेका थिए । राजापाक्षेले श्रीलंकाली सेनाबाट चाँडै अवकाश लिए र सूचना प्रविधिको क्षेत्रमा लागे। यसपछि उनी सन् १९९८ मा अमेरिका गए । उनी सन् २००५ मा श्रीलंका फर्किए ।

समाचारका अनुसार पूर्व राष्ट्रपति हाल आफ्नी श्रीमतीसँग बैंककको एक होटलमा बसेका छन् र उहाँ नोभेम्बरसम्म थाइल्याण्डमा बस्ने प्रारम्भिक योजना रद्द गरी अगस्ट २५ मा श्रीलंका फर्कने कार्यक्रम रहेको छ । बैंककका अधिकारीहरूले सुरक्षाका कारण राजापाक्षेलाई होटलभित्रै बस्न आग्रह गरेका छन्। गोटाबायाका भाइ उदयाङ्गा वीरतुंगाले पनि श्रीलंका फर्किएको पुष्टि गरेका छन् । सन् २००६ देखि २०१५ सम्म रुसका लागि श्रीलंकाका राजदूत रहेका वीरातुङ्गाले भने, “उनले मसँग फोनमा कुरा गरे, म तपाईलाई भन्न सक्छु कि उनी अर्को हप्ता स्वदेश फर्कनेछन्।”

आन्दोलनपछि देश छाडे

राजापाक्षे अर्को देशमा स्थायी शरण लिन अघि अस्थायी बसोबासका लागि अगस्ट ११ मा सिंगापुरबाट विशेष विमानमा थाइल्याण्ड पुगेका थिए। सिंगापुरमा भिसाको म्याद सकिएको दिन उनी बैंकक पुगेका थिए । थाई सरकारले राजापाक्षेलाई देशमा अस्थायी बस्न सहमति दिएको छ र यस अवधिमा राजापाक्षेले तेस्रो मुलुकमा स्थायी शरण पाउने सम्भावना खोजिरहेका छन्। थाइल्यान्डका प्रधानमन्त्रीले राजापाक्षेलाई मानवीय आधारमा थाइल्याण्ड भ्रमण गर्न अनुमति दिँदै अर्को देशमा स्थायी शरण खोज्ने क्रममा त्यस देशमा राजनीतिक गतिविधिमा संलग्न नहुने वाचा गरेका थिए।

श्रीलंकामा सरकार विरोधी प्रदर्शनका बीच देश छोडेर गोटाबाया जुलाईमा सिंगापुर गएका थिए। उनी जुलाई १३ मा माल्दिभ्स पुगेका थिए र त्यसपछि सिंगापुर गएका थिए जहाँ उनले देशको आर्थिक संकटको विरोधका बीच राजीनामाको घोषणा गरेका थिए। डेली मिरर अखबारको रिपोर्टमा भनिएको छ कि राजापाक्षे आफ्नो ९० दिनको थाई भिसाको म्याद सकिएपछि नोभेम्बरमा श्रीलंका फर्कनेछन्, तर अब उनी अर्को सातासम्म स्वदेश फर्कने योजनामा ​​छन्।