काठमाडौं । विश्वप्रसिद्ध प्राविधिक कम्पनी शाओमीले नेपालमा दुई नयाँ स्मार्टफोन मोडल — रेडमी १५ र रेडमी १५C — सार्वजनिक गरेको छ। यी दुवै स्मार्टफोन अत्याधुनिक प्रविधि, आकर्षक डिजाइन र नयाँ फिचरसहित बजारमा ल्याइएका हुन्।

—

रेडमी १५ : शक्तिशाली ब्याट्री र प्रिमियम डिजाइन

लामो ब्याट्री क्षमता र उत्कृष्ट प्रदर्शन चाहने उपभोक्तालाई लक्षित गर्दै रेडमी १५ बजारमा आएको हो। यसमा रहेको ७०००mAh ब्याट्री सजिलै दुई दिनसम्म टिक्ने क्षमता राख्छ भने ३३W फास्ट चार्जिङ र १८W रिभर्स चार्जिङ सुविधा उपलब्ध छ।

यसमा ६.९ इन्चको FHD+ डिस्प्ले, १४४Hz रिफ्रेस रेट, TÜV Rheinland ट्रिपल आई-केयर, र क्वाड-कर्भ डिजाइन रहेको छ। साथै, IP64 सुरक्षा भएकाले धुलो र पानीका छिटाबाट सुरक्षित रहन्छ।

फोटोग्राफीका लागि ५०MP एआई डुअल क्यामेरा प्रणाली र ८MP फ्रन्ट क्यामेरा उपलब्ध छन्। यसमा Snapdragon 685 चिप, HyperOS 2, Google Gemini जस्ता फिचरहरू छन् भने २TB सम्म एक्सप्यान्डेबल स्टोरेज सुविधा पनि पाउन सकिन्छ।

—

रेडमी १५C : स्लिम र आकर्षक

रेडमी १५C ७.९९mm स्लिम प्रिमियम डिजाइनसहित आएको छ। यसमा ६०००mAh ब्याट्री, ३३W फास्ट चार्जिङ र १०W रिभर्स चार्जिङ सुविधा उपलब्ध छन्। कम्पनीले यसमा २ वर्षको वारेन्टी पनि दिएको छ।

यसमा ६.९ इन्चको HD+ डिस्प्ले र १२०Hz रिफ्रेस रेट रहेको छ भने MediaTek Helio G81-Ultra प्रोसेसरले स्थिर र द्रुत प्रदर्शन सुनिश्चित गर्छ।
फोटोग्राफीका लागि ५०MP एआई डुअल क्यामेरा र ८MP फ्रन्ट क्यामेरा उपलब्ध छन्। यसमा १TB सम्म एक्सप्यान्डेबल स्टोरेज, HyperOS 2, Google AI का Circle to Search र Gemini जस्ता फिचरहरू उपलब्ध छन्।

—

उपलब्ध रंगहरू

रेडमी १५ : Sandy Purple, Titan Gray र Midnight Black

रेडमी १५C : Midnight Black, Moonlight Blue र Mint Green

मूल्य र भेरियन्ट

रेडमी १५

६GB + १२८GB : रु. १८,९९९

८GB + २५६GB : रु. २१,९९९

रेडमी १५C

४GB + १२८GB : रु. १४,९९९

६GB + १२८GB : रु. १६,४९९

८GB + २५६GB : रु. १८,९९९

शाओमीका अनुसार यी स्मार्टफोनले उत्कृष्ट ब्याट्री लाइफ, दमदार प्रदर्शन, आकर्षक डिजाइन र स्मार्ट फिचरसहित नेपाली उपभोक्तालाई नयाँ अनुभव दिने विश्वास लिइएको छ।