नेकपा (एमाले) को ११औँ राष्ट्रिय महाधिवेशनबाट पार्टी अध्यक्षमा केपी शर्मा ओली भारी मतान्तरले विजयी भएका छन् । उनले १,६६३ मत प्राप्त गर्दा उनका प्रतिस्पर्धी ईश्वर पोखरेलले ५६४ मत मात्र पाएका छन् । यससँगै ओली लगातार तेस्रो कार्यकालका लागि एमालेको अध्यक्षमा निर्वाचित भएका हुन् ।प्यानलगत प्रतिस्पर्धामा संस्थापन (ओली) पक्षले अधिकांश पदमा जित हासिल गरेको छ । महासचिव पदमा कडा टक्कर भए पनि शंकर पोखरेल दुई सयभन्दा बढी मतले विजयी भएका छन् ।

यद्यपि, संस्थापन इतर (पोखरेल) प्यानलबाट उपाध्यक्षमा गोकर्ण विष्ट र उपमहासचिवमा योगेश भट्टराईले बाजी मारेका छन् । १९ सदस्यीय पदाधिकारीमध्ये १७ जना ओली पक्षका उम्मेदवार विजयी भएका छन् ।

पदाधिकारी टिम

अध्यक्ष : केपी शर्मा ओली
उपाध्यक्ष : पृथ्वी सुब्बा गुरुङ, बिष्णु पौडेल, रामबहादुर थापा बादल, गोकर्ण विष्ट, रघुजी पन्त
महासचिव : शंकर पोखरेल

उपमहासचिव
लेखराज भट्ट
रघुवीर महासेठ
योगेश भट्टराई

सचिव
महेश बस्नेत
पद्माकुमारी अर्याल
छविलाल विश्वकर्मा
शेरधन राई
हिक्मत कुमार कार्की
खगराज अधिकारी
यामलाल कँडेल
राजन भट्टराई
भानुभक्त ढकाल