गणतन्त्रविरुद्ध बोल्ने मन्त्रीलाई स्पष्टिकरण सोध्ने प्रचण्डको चेतावनी
प्रधानमन्त्री पुष्पकमल दाहाल प्रचण्डले मन्त्रिपरिषदमा बसेर संघीयता तथा लोकतान्त्रिक गणतन्त्रविरुद्ध बोल्ने छुट कसैलाई नभएको बताएका छन् । उनले मन्त्रिपरिषदका सदस्यले यस्तो अभिव्यक्ति दिएमा स्पष्टिकरण सोध्नेसमेत बताएका छन् ।
मंगलबार राष्ट्रियसभाको बैठकमा बोल्दै उनले मन्त्रिपरिषदका सदस्यले संघीयता र गणतन्त्र विरोधी अभिव्यक्तिहरु मन्त्रीहरुले नैतिक र कानुनी रुपले पनि दिन नमिल्ने बताएका छन् ।
यो विषयमा वकालत गर्नेहरू मन्त्रिपरिषद बाहिर जानु पर्ने पनि उनले बताएका छन् ।