भारतलाई वामदेवको चेतावनी : कालापानीबाट सुरक्षाफौज फिर्ता गर

नेपालको सिंगो संसदमा सबै राजनीतिक दलहरुको सर्वसम्मतिले पारित गरेर नेपालले आफ्नो नक्शामा समावेश गरेको कुरा विश्वलाई नै जानकारी भएको उल्लेख गर्दै सांसद गौतमले त्यसमा भारतले मिचाहा प्रवृत्ति देखाउन नमिल्ने उनले पटकपटक दोहोर्याए ।

नेपाल ४ हजार वर्षदेखि स्थापित रहेकाे तर भारत १९४७ बाट बनेको उल्लेख गर्दै उनले भने, त्यो भन्दाअघि किम्वदन्ती र पुराणमा उल्लेख भएको भारत हो । त्यो सत्य होइन । अहिले उसले धेरै ठाउँमा हाम्रो सिमाना मिचेको छ । त्यहाँ हाम्रो भूभाग नै मिचेर लगेको छ । नेपाल सरकारसँग कहिल्यै सम्झौता गरेको छैन । त्यो लिएर गएको छ । त्यो हामीले फर्काउनैपर्छ, फर्किनै पर्छ । किनकि हाम्रा सार्वभौमिकता खण्डित भएको छ ।’

सांसद गौतमले नेपाल कहिल्यै कसैको अधिनमा नरहेको चर्चा गर्दै आफ्ना मिचिएका भूभाग फिर्ता लिएरै छोड्ने समेत बताए ।