नेपाल क्लियरिङ्ग हाउसमा दुइ संचालकको नवनियुक्ति
काठमाडौं, नेपाल क्लियरिङ्ग हाउसको संचलाक समितिमा वाणिज्य बैंकहरुका तर्फबाट नेपाल इन्भेष्टमेण्ट मेगा बैंक लिमिटेडका डेपुटि प्रमुख कार्यकारी अधिकृत श्री महेश शर्मा ढकालज्यूूलाई संचालक पदमा नियुक्त गरिएको छ । साथै स्वतन्त्र सञ्चालकका रुपमा अधिवक्ता श्री जगदीश दहालज्यूलाई पनि नियुक्त गरिएको छ । चैत्र १४,२०७९ गते बसेको एनसीएचएलको २०६ औं संचलाक समितिको बैंठकबाट उक्त निर्णय गरिएको हो ।
नेपाल राष्ट्र बैंक र बैंक वित्तीय संस्थाहरु मार्फत प्रवद्र्धित यस कम्पनीको सञ्चालक समितिमा नेपाल राष्ट्र बैंकका तर्फबाट एक जना, वाणिज्य बैंक तर्फबाट तीन जना, विकास बैंक र फाइनान्स कम्पनीबाट एक–एक जना तथा स्वतन्त्र सञ्चालकबाट एक जना गरी जम्मा सात जनाको प्रतिनिधि रहने व्यवस्था रहेको छ । एनसीएचएलले राष्ट्रिय स्तरको भुक्तानी प्रणालीहरु स्थापना तथा सञ्चालन गर्दै आएकोछ ।
थप जानकारीका लागि www.nchl.com.np मा हेर्नुहोस् ।