राष्ट्रिय सभा उपाध्यक्ष एमालेले नलिने, एकीकृत समाजवादीलाई दिइने

२९ फाल्गुन २०८०, मंगलवार ०७:०८

नेकपा एमालेले राष्ट्रिय सभाको उपाध्यक्ष पद नलिने भएको छ। अहिले राष्ट्रिय सभाको उपाध्यक्षमा नेकपा माओवादी केन्द्रकी उर्मिला अर्याल छिन्।अहिले राष्ट्रिय सभा अध्यक्षको निर्वाचन संसद् भवन नयाँबानेश्वरमा भइरहेको छ।फागुन २१ मा राष्ट्रिय सभाको अध्यक्ष माओवादी केन्द्रले र उपाध्यक्ष एमालेले लिने सहमति सत्ता गठबन्धनमा भएको थियो।

तर मंगलबार नेकपा एकीकृत समाजवादीलाई पनि समेटेर पाँच दलले ७ बुँदे वक्तव्य निकाल्नुअघि राष्ट्रिय सभा उपाध्यक्ष पद एमालेले नलिएर एकीकृत समाजवादीलाई दिने सहमति भएको हो।