दुर्घटना  पाल्पा जेठ १८
रम्भा गाउँपालिका–४, हुमिनको धारादी वनमा बस दुर्घटनामा मृत्यु हुनेको संख्या १३ पुगेको छ भने मृतक मध्ये १२ जनाको सनाखत भएको छ। मृतकमधे १ जनाको पहिचान खुल्न सकेको छैन।दुर्घटना

प्रहरी उपरीक्षक दिल्लीराज पन्तका अनुसार मृत्यु हुनेमा तानसेन नगरपालिका–४ का विष्णुमान बज्राचार्य र कृष्णबहादुर बोहोरा, तानसेन– २ का लोकनाथ ढकाल, तानसेन– ३ का वसन्ती खाँड, देवेन्द्रलाल प्रधान, कृष्णमान बज्राचार्य, छत्रमान शाक्य र सुुशीलप्रसाद श्रेष्ठ, तानसेन– ६ का दुर्गाबहादुर सारु र गीता बुढाथोकी तथा तानसेन बजारका सचिन बज्राचार्य र कमला कार्की रहेका छन्।

त्यस्तै दुर्घटनामा परेर धाइते बनेका १४ जनाको पाल्पा र बुटवलका विभिन्न अस्पतालमा उपचार भैरहेको प्रहरीले जानकारी दिएको छ।

रामपुरको अध्ययन अवलोकन भ्रमणमा निस्केको तानसेनको लक्ष्मी बचत तथा ऋण सहकारी संस्थाको टोली चढेको लु२ख ९७५ नं को बस शुक्रबार बिहान पाल्पाको रम्भा गाउँपालिका–४, हुँमिनको धारादी वनमा दुर्घटनामा परेको हो।