नाम र राजधानीमा विवाद हुने भन्दै संविधान जारी हुँदा बेनामे प्रदेशसहितको संविधान जारी गरियो। प्रदेश सभाको दुई तिहाईले जुनसुकै बेला प्रदेशको नाम र राजधानी परिवर्तन गर्न पाइन्छ। देशका सात प्रदेशमध्ये सबैभन्दा पहिले नाम पाउने प्रदेश भने ६ नम्बर प्रदेश भएको छ। प्रदेशसभाको फागुन १२ शनिबारको बैठकले ‘कर्णाली प्रदेश’ नामाङ्कन गरेको छ।

बैठकमा नेकपा (एमाले) संसदीय दलका नेता यामलाल कँडेलले प्रदेशको नाम ‘कर्णाली’ राख्नुपर्ने राखे। नेपाली काँग्रेस जुम्लाका सांसद दीनबन्धु श्रेष्ठ, एमाले डोल्पाका सांसद वीरबहादुर शाही र राप्रपा कालीकोटका सांसद सोशिला शाहीले समर्थन गरे।

४० सदस्यी प्रदेश सभामा यो पारित हुन दुई तिहाई अर्थात् २७ सदस्यको समर्थन आवश्यक हुन्थ्यो। तर ३७ सदस्यले पक्षमा मत जाहेर गरे। निर्वाचित सांसद चन्द्रबहादुर शाही र झोवा विक अनुपस्थित रहे भने सभामुख राजबहादुर शाहीले भोट हाल्न पाउँदैनन्।

यसअघि देशलाई १४ अञ्चलमा विभाजन गर्दा पनि कर्णाली अञ्चलको नाम कायम थियो। कर्णाली अञ्चलमा डोल्पा, जुम्ला, हुम्ला, कालिकोट र मुगु पर्थे। अहिलेको कर्णाली प्रदेशमा भने ती जिल्लाका अतिरिक्त दैलेख, जाजरकोट, रुकुम पश्चिम, सुर्खेत र सल्यान पनि पर्छ।

यसैगरी बैठकले सर्वसम्मत रुपमा प्रदेश नं ६ को प्रदेशको राजधानी सुर्खेत (वीरेन्द्रनगर) राख्ने निर्णय गरेको छ।

नेपाली काँग्रेस संसदीय दलका नेता जीवनबहादुर शाहीले ‘प्रदेश राजधानी सुर्खेतमा राखियोस्’ भनी प्रस्ताव गरेका थिए। प्रस्तावमा नेकपा (एमाले)का सांसद गुलाबजंग शाह र नेकपा (माओवादी केन्द्र)का सांसद गणेशप्रसाद सिंहले समर्थन जनाए।

छलफलमा भाग लिँदै कर्णाली प्रदेशका आन्तरिक मामिला तथा कानुनमन्त्री नरेश भण्डारीले मौसमी राजधानीको व्यवस्था गर्दै जुम्लालाई ग्रीष्मकालीन र वीरेन्द्रनगरलाई शीतकालीन राजधानी बनाउनुपर्ने धारणा राखेका थिए।

программа сайтаsmm маркетинг социальных в сетяхвордстат яндекс статистика ключевыхиспользуетдоменные имена в сети интернеткупить дешевую обувь онлайн