काठमाडौं । मेसेजिंग एप ह्वाट्सएपले आफ्नो एपको सपोर्ट पुराना अपरेटिंग सिस्टमका लागि बन्द गर्ने भएको छ । कम्पनीका लाखौं प्रयोगकर्ताहरुका स्मार्टफोनमा यो एपले आगामी दिनमा काम गर्न छोड्नेछ ।

फेसबुकको अधिनमा रहेको ह्वाट्सएपले आगामी डिसेम्बर ३१, २०१९ देखि विश्वभरका कयौं स्मार्टफोनहरुमा सेवा दिन बन्द गर्ने भएको हो ।
फेसबुकले हालै जानकारी दिँदै ३१ डिसेम्बरपछि विण्डोज स्मार्टफोनहरुमा ह्वाट्सएप सँधैका लागि बन्द गर्ने घोषणा गरेको छ । यसको अर्थ माइक्रोसफ्टको विण्डोज ओएसमा आधारित स्मार्टफोनहरुमा यो एप चल्ने छैन् ।

यसबाहेक केहि एन्ड्रोयड र आईओएसमा आधारित स्मार्टफोनहरुमा पनि यसले काम गर्नेछैन् ।

कम्पनीकाअनुसार आगामी वर्षको पहिलो दिनदेखि नै कयौं स्मार्टफोनहरुमा ह्वाट्सएप बन्द गर्नेछ ।

कम्पनीले फरवरी १, २०२० देखि भने एप्पलको अपरेटिंग सिस्टम आईओएस ८ वा त्यो भन्दा पुराना ओएसमा काम गर्नेछैन् । यसबाहेक एन्ड्रोयडको भर्सन २.३.७ वा त्यो भन्दा पुरानो अपरेटिंग सिस्टममा सोहि समयदेखि ह्वाट्सएप प्रयोग गर्न पाईने छैन् ।

तोकिएका सिस्टम भएका स्मार्टफोनहरुमा ह्वाट्सएप उपलब्ध नहुँदा यूजर्सले आफ्नो ह्वाट्सएप एकाउन्ट नयाँ अपरेटिंग सिस्टममा सिफ्ट गर्नुपर्ने हुन्छ । यसको लागि फोनको ओएस अपडेट गर्नुपर्ने हुन्छ वा यूजर्सले नयाँ स्मार्टफोन किन्नुपर्ने हुन्छ ।
सबैभन्दा पहिले ह्वाट्सएप विण्डोज फोनहरुमा बन्द हुनेछ । आईओएस ८ वा सो भन्दा पुरानो भर्सनमा यूजर्सले नयाँ एकाउन्ट बनाउन सक्नेछैन् ।

ह्वाट्सएपकाअनुसार यूजर्सको सेक्यूरिटीका लागि यो बाध्यकारी कदम उठाएको हो ।उनीहरुले आफ्नो भएको एकाउन्ट पनि पुन प्रमाणिकरण गर्न सक्नेछैनन् । यसको अर्थ आईओएस ९ वा सो भन्दा नयाँ ओएस भएका आइफोनहरुमा मात्र ह्वाट्सएप प्रयोग गर्न सकिनेछ ।

आईओएसको मोडिफाईड भर्सन अर्थात जेल ब्रेक गरिएका ओएस प्रयोग भएका आईफोनमा पनि यो चल्नेछैन् ।

आईओएस जस्तै एन्ड्रोयड ओएस २.३.७ वा सो भन्दा पुराना भर्सनका ओएस भएका स्मार्टफोनहरुमा यूजर्सले आफ्नो एकाउन्ट पुन प्रमाणित गर्न सक्दैनन् ।

अहिले च्याटिंग एप वाईफाई मात्र चलाउन सकिने किसिमका डिभाइसहरुमा सपोर्ट गर्दैन् ।