सूर्या लाइफ इन्स्योरेन्सले आर्थिक वर्ष २०७४/०७५ को मुनाफाबाट शेयरधनीलाई प्रस्ताव गरेको बोनस शेयर वितरण तथा साधारण सभा प्रयोजनाका लागि जेठ २८ गतेदेखि असार ४ गतेसम्म बुक क्लोज गर्ने निर्णय गरेको छ । त्यसकारण जेठ २७ गतेसम्म कायम शेयरधनीले मात्र सभामा सहभागी हुन पाउने छन् ।

जेठ १७ गते बसेको कम्पनीको २ सय ४१औँ बैठकले सो निर्णय गरेको हो । वार्षिक साधारणसभा असार ११ गते विराटनगरस्थित कम्पनीको रजिष्ट्रार कार्यालयमा गर्ने बस्ने निर्णय भएको छ ।

बैशाख २७ गते सम्पन्न सञ्चालक समिति बैठकले चुक्ता पूँजी एक अर्ब १३ करोड १९ लाख १२ प्रतिशत बराबरको १३ करोड ५८ लाख २८ हजार रुपैयाँ बोनस र कर प्रयोजनका लागि ७१ लाख ४८ हजार ८ सय ४२ रुपैयाँ नगद लाभांश प्रस्ताव गरेको थियो।

बोनस शेयर पश्चात इन्स्योरेन्सको चुक्ता पूँजी एक अर्ब २६ करोड ७७ लाख २८ हजार रुपैयाँ पुग्नेछ।