काठमाडौं । गृहमन्त्री रामबहादुर थापा (बादल)ले विप्लव समूहले जनसेना बनाएको स्वीकारेका छन ।आइतबार राजधानीमा दिनदहाँडै बम विस्फोट र देशका विभिन्न भागमा बम राखेको नेत्रविक्रम चन्द विप्लव समूहले जनसरकार गठन गर्नुका साथै जनसेना बनाएको गृहमन्त्री रामबहादुर थापाले संसदलाई जानकारी गराए ।नेकपा विप्लव समूहलाई मुलधारमा ल्याउन सरकार प्रतिवद्ध रहेको बताएका छन् ।राजधानीमा भएको श्रृंखलावद्ध बम विस्फोटबारे सोमबार प्रतिनिधिसभामा सांसदहरुको प्रश्नको जवाफ दिँदै गृहमन्त्री थापाले विप्लव समूहका हिंसात्मक गतिविधि नियन्त्रण गरिने बताए ।‘यो समूहलाई नियन्त्रण गर्ने र वार्ता सम्वादद्वारा मुल प्रवाहमा ल्याउने प्रक्रिया अगाडि बढाएको छ,’ गृहमन्त्री थापाले भने, ‘यो समूहलाई मुल धारमा ल्याउन र गतिविधि नियन्त्रण गर्न राज्य प्रतिवद्ध छ ।’उनले राजधानीमा भएका अधिकांश घटनामा आम नागरिक नभई विप्लव समूहकै कार्यकर्ताको मृत्यु भएको उनले बताए ।विप्लव समूहको बन्द शैक्षिक संस्था र लामो रुटको यातायातमा आंशिक प्रभाव परेको उनले बताए ।