पेट्रोलियम पदार्थको मूल्य घटेको छ । नेपाल आयल निगमले राती १२ बजेदेखि लागु हुने गरी पेट्रोल, डिजेल र मट्टितेलको खुद्रा बिक्री मूल्य घटाएको हो ।

निगम प्रवक्ता वीरेन्द्र गोइतका अनुसार अन्तराष्ट्रिय बजारमा पेट्रोलियम पदार्थको मूल्य क्रमशः घटिरहेकाले तथा डलरको तुलनामा नेपाली मुद्रा पनि बलियो हुँदै गएकाले मूल्य घटाइएको हो । उनले स्वचालित मूल्य प्रणालीका आधारमा पेट्रोल, डिजेल र मट्टितेलमा प्रतिलिटर २ रुपैयाँ घटाएको बताए । नयाँ मूल्य अनुसार पेट्रोलको प्रतिलिटर १ सय १० रुपैयाँ भएको छ । यसअघि एक लिटर पेट्रोलको खुद्रा मूल्य १ सय १२ रुपैयाँ थियो । यस्तै, डिजेल र मट्टीतेलको खुद्रा मूल्य प्रतिलिटर ९७ रुपैयाँ भएको छ ।