नेपाल कम्युनिस्ट पार्टीले  आब्हान गरेको नेपालबन्दको पूर्व सन्ध्यामा बुटवलस्थित भारतीय भूतपूर्व सैनिक क्याम्पमा शक्तिशाली बम बिष्फोट भएको छ ।
बिष्फोटबाट क्याम्पको सौचालयमा क्षति भएको छ ।

ईलाका प्रहरी कार्यलय बुटवलका डिएसपी डिल बहादुर मल्लले घटनाको पुष्टि गर्दै सौचालयमा धेरै क्षति भएपनि मानविय क्षति नभएको बताए ।
बिष्फोटको आवाज बुटवलको बजारसम्म फैलिएको स्थानीयले बताए ।

डिएसपी मल्लले बिष्फोट कसले गराएको भन्नेबारे अनुसन्धान भैरहेको बताए ।आफ्ना नेताहरु पक्राउ परेको भन्दै मंगलबार माओवादी विप्लव समूहले बन्द आव्हान गरेको छ ।

यसैबीच पूर्वी रोल्पाको व्यापारिक केन्द्र सुलिचौर वजार नजिक शक्तिशाली वम विस्फोट भएको छ । वेलुका ८ः२९ र ८ः३१ मा लगातार ठूलो आवाजमा दुई वटा वम विस्फोट भएको वताइएको छ ।

सुलिचौर वजार नजिक जैरे भन्ने स्थानमा उक्त वम विस्फोट भएको सुनिल स्मृती गाउँपालिका वडा नं.३ का वडाध्यक्ष गंज क्षेत्रील जानकारी दिए । वम विस्फोट भएको स्थान नजिक एनसेल र नेपाल टेलिकमको टावर रहे पनि कहाँ लक्षित गरेर वम विस्फोट गरिएको हो भन्ने खुल्न नसकेको वताइएको छ । वम विस्फोट पछि सुलिचौरवासी त्रसित वनेको वताइएको छ ।

वम विस्फोट संगै पुनः देश युद्धमा धकेलिने हो की भन्ने स्थानीयहरुमा चिन्ता देखिएको वडाध्यक्ष क्षेत्रीले प्रतिकृया दिए । वम कसले कुन प्रयोजनका लागि विस्फोट गराएको हो भन्ने हाल सम्म एकिन जानकारी पाउन नसकिएको वताइएको छ ।

यता सदरमुकाम लिवाङ नजिक रुन्टावाङ भन्ने स्थानमा विप्लव नेतृत्वको नेपाल कम्युनिष्ट पार्टी रोल्पाले मसाल जुलुस प्रदर्शन गरेको छ । युद्धको झल्को दिने गरि गरिएको मसाल जुलुस संगै भोलीको नेपाल वन्द आक्रमक हुने अनुमान गरिएको छ ।

पार्टी प्रवक्ता खड्कवहादुर विश्वकर्मा लगायत गैर न्यायिक हिरासतमा राखिएका नेता कार्यकर्ताको रिहाईका लागि जिल्लाका दर्जन वढी स्थानमा मसाल जुलुस प्रदर्शन गरिएको नेकपा रोल्पाका सेक्रेटरी सन्तोष सुवेदीले जानकारी दिए । सो पार्टीले आजै एक प्रेस विज्ञप्ती मार्फत भोलिको वन्द सफल पार्न आग्रह समेत गरेको छ ।