लुका मोडरिच

लुका मोडरिच
गम्भीर प्रतिकूल अवस्था सामना गरे पनि क्रोएशियाका कप्तान लुका मोडरिच विश्व फुटबलका स्टार बनेका छन्।

६ वर्षका हुँदा मोडरिचका प्यारा हजुरबुबालाई आतंकवादीले गोली हानी मारेका थिए। उनले युद्धग्रस्त आफ्नै मुलुकमा शरणार्थीको जीवन बिताउनु परेको थियो।

तर त्यस्तो विषम परिस्थितिमा पनि विश्वको एक उत्कृष्ट खेलाडी बन्ने उनको अाकांक्षालाई कसैले रोक्न सकेन। अहिले ३२ वर्षको पुगेका मोडरिच विश्वकै फुटवल सुपरस्टारमध्येका एक हुन्।

डिसेम्बर १९९१, बाल्कन युद्धको समय। हिंसक सर्बियन मुलुकका आतंककारीहरुले मोडरिकी गाउँमा महला गरे। त्यसक्रममा पाँच स्थानीयहरुसँगै आतंककारीहरुले मोडरिचका हजुरबुबाको पनि हत्या गरिदिए। अन्यले पनि गाउँ छाडेर नगए यसरी नै हत्या गरिदिने सन्देश दिन आतंककारीहरुले मोडरिचका हजुरबुबा हित अन्य ५ स्थानियवासीको हत्या गरेका थिए। त्यो हत्याले भविष्यका रियल म्याड्रिडका चर्चित मिडफिल्डरका हजुरबुबालाई सधैँका लागि टाढा बनायो।

मोडरिचले अाफ्ना हजुरबुबासँग बाल्यकाल बिताएको घर अातंककारीहरुले जलाइदिएका थिए

मोडरिचले अाफ्ना हजुरबुबासँग बाल्यकाल बिताएको घर अातंककारीहरुले जलाइदिएका थिए

बुबा स्टिपी र आमा रोडोज्की घरायसी आर्थिक अवस्था सुदृढ बनाउन कपडा उद्योगमा काम गर्न जान्थे। घन्टौँ समय त्यहाँ बिताउँथे। मोडरिच भने दिनभर हजुरबुबासँग समय बिताउँथे। उनको लालनपालनको सम्पूर्ण जिम्मा तीनै हजुरबुबाले काँधमा थियो। तर, तिनै हजुरबुबाको हत्याले मोडरिचको परिवारलाई गम्भीर क्षति पुर्यायाे।

हजुरबुबाको हत्यापछि मोडरिचको परिवार मोडरिकी गाउँबाट बिस्थापित हुन बाध्य भयो र जादिर शहरमा अवस्थित एक होटलमा शरणार्थीको रुपमा रहन थाल्यो। युद्धका कारण त्यहाँ पनि छिनछिन गोला र बारुदको आवाज सुनिन्थ्यो। बिजुली र पानीको अभावका बीच मोडरिच र उनकी बहिनी जस्मिनाले बाल्यकाल बिताए।

उनी जन्मिएको मोडरिची गाउँ, पछि उनको परिवार यहाँबाट विस्थापित हुँदै जादर पुगेको थियो

उनी जन्मिएको मोडरिची गाउँ, पछि उनको परिवार यहाँबाट विस्थापित हुँदै जादर पुगेको थियो

तर, अभाव र विषम परिस्थितिले पनि मोडरिचको फुटबलसँगको साइनो भने छुटाउन सकेन। युद्धग्रस्त जीवनबाट छुटकरा पाउने सपना साँच्दै उनी होटलको कार पार्किङ एरियामा पन्चर बललाई लात्तले हिर्काउदै फुटबल प्रशिक्षण गर्थे।

त्यस्तै बमबारुदको आवाज र विषम परिस्थिति चार पटक च्याम्पियन्स लिगको उपाधिको स्वाद चाखिसकेका मोडरिचकोे जीवनको रौ ठाडोँ पार्ने कथाको मुख्य हिस्सा बनेको छ। उनको लगातारको समर्पण र दृढताले भयानक त्रासदीपूर्ण जीवनबाट पनि छुटकरा दिलाइसकेको छ।

लुका मोडरिचले कष्टपूर्ण बाल्यकालको सामना गरेका थिए

लुका मोडरिचले कष्टपूर्ण बाल्यकालको सामना गरेका थिए

२००८ मा इङ्लिस क्लब टोट्नह्याम हट्सपरसँग सम्झौता हुनुअघि उनले आफ्नो बाल्यकालको संघर्षका बारेमा केही बोलेका थिएनन्। तर, सम्झौताको दिन भने उनले आफ्नो त्रासदीपूर्ण बाल्यकालको पर्दा उघारे।

‘जब युद्ध सुरु भयो, हामी शरणार्थी बन्यौँ, त्यो समय साँच्चिकै कष्टपूर्ण थियो’ मोडरिचले भनेका थिए, ‘म ६ वर्षको थिएँ, ती दिनहरु अझैपनि मेरा आँखामा घुमिरहन्छन्। ती त्यस्ता दिन थिए, जसलाई कसैले पनि सम्झन चाहँदैन।’

मोडरिचीबाट विस्थापित भएपछि मोडरिच अाएर बसेको शहर, जादर

मोडरिचीबाट विस्थापित भएपछि मोडरिच अाएर बसेको शहर, जादर

‘हामीले एक होटलमा वर्षौँसम्म शरणार्थी जीवन बितायौँ’ उनले सम्झिए, ‘हामीले आर्थिक उपार्जनको लागि निकै संघर्ष गर्नुपरेको थियो। तर, म सधैँ फुटबललाई मायाँ गर्थे। म मेरो पहिलो खुट्टाको प्याडलाई अझै सम्झन्छु, जसमा ब्राजिलका रोनाल्डोको तस्वीर थियो, म त्यसलाई खुब सम्हालेर प्रयोग गर्थेँ।’

‘युद्धले मलाई मानसिक रुपमा अझै बलियो बनायो’ उनी भन्दै गए, ‘म र मेरो परिवारका लागि त्यो समय निकै कष्टपूर्ण थियो। म ती यादहरुलाई आफूसँग राख्न चाहँदिन। तर ती पलहरुलाई म बिर्सन पनि सक्दिन।’

परिवार र जीवनमा जस्तो घटना भए पनि उनी मानसिक रुपमा बलिया थिए। त्यही कारण मोडरिकले करिअरमा सफलता हात पार्दै गए। विश्वकपको अन्तिम १६ मा डेनमार्कविरुद्धको खेलमा मोडरिकको प्रदर्शन त्यसको एउटा प्रमाण हो। पेनाल्टी चुकेपनि उनले हिम्मत हारेनन्। पेनाल्टी सुटआउटमा धकेलिएको खेलमा पुनः निर्णायक पेनाल्टी परिणत गर्दै उनले टोलीलाई क्वार्टरफाइनलमा पुर्याए।

सुरुवाती करिअर
फुटबल प्रशिक्षणका लागि उनी विभिन्न प्रशिक्षककहाँ पुग्थे। १० वर्षका मोडरिक शारीरिक रुपमा कमजोर र लजालु देखिने भएकाले धेरैले फुटबलमा फिट नहुने प्रतिक्रिया दिन्थे। राम्रो पौष्टिक आहार नपाएका र कैयन दिन भोकै बिताउनु परेकाले उनको शरीर कमजोर देखिन्थ्यो।

जादरमा हुर्कदै गर्दा स्थानिय क्लबहरुमा उनले वाहीवाही बटुलेका थिए

जादरमा हुर्कदै गर्दा स्थानिय क्लबहरुमा उनले वाहीवाही बटुलेका थिए

परिवारको सहयोगमा स्थानीय जादर क्लबमा उनी प्रशिक्षणका लागि गए। त्यहाँ उनले क्लबका मुख्य प्रशिक्षक तोमिस्लाभ बासिकबाट प्रशिक्षणको मौका पाए। तिनै तोमिस्लाभलाई मोडरिकले आफ्नो ‘स्पोर्टिङ फादर’ मान्दै आएका छन्।

मोडरिचको मेहनत र प्रतिभा चिन्दै तोमास्लाभले उनलाई १६ वर्षको उमेरमा क्रोएशियाको सफलमध्येको एक क्लब डिनामो जाग्रिबमा प्रशिक्षणको व्यवस्था मिलाईदिए, सन् २००१ मा। एकवर्षको प्रशिक्षणपछि मोडरिच यूरोपको दक्षिणी–पूर्वी देश बोसनिया एन्ड हार्जिगोभिनाको उच्च डिभिजन क्लब ज्रिनजिस्की मोस्टारसँग ऋणमा आवद्ध भए।

मोडरिचले अाफ्नो फुटबल शिक्षा क्रोएशियन क्लब डिनामो जाग्रिबबाट सुरु गरेका हुन्

मोडरिचले अाफ्नो फुटबल शिक्षा क्रोएशियन क्लब डिनामो जाग्रिबबाट सुरु गरेका हुन्

आफ्नो प्रतिभाशाली खेल कौशल प्रस्तुत गर्दै मोडरिचले त्यही सिजनमा त्यहाँको ‘प्रिमियर लिग प्लेयर अफ द इअरको अवार्ड’ जिते। अर्कोवर्ष उनी क्रोएशिया फर्के र उच्च डिभिजनको क्लब इन्टर जापेरिसिकसँग अनुबन्धित भए।

एक सिजन त्यहाँबाट खेल्दै उनले टोलीलाई क्रोएशिन पहिलो डिभिजनको लिगको उपविजेता बनाए। साथै आफूले पनि क्रोएशियन ‘फुटबल होप अफ द एअर २००४’ अवार्ड जिते।

व्यावसायिक सम्झौता
सन् २००५ मा १० वर्षे सम्झौता गर्दै उनी पुनः डिनामो जाग्रिब फर्के। यो उनको पहिलो व्यवसायिक सम्झौता थियो। उक्त सम्झौताबाट आएको पैसाले उनले जादरमा आफ्नो परिवारका लागि एउटा फ्ल्याट किने। त्यसपछि उनको परिवार शरणार्थी जीवन त्याग्दै त्यही फ्ल्याटमा स¥यो।

पहिलो सिजनमै डिनामोको पहिलो रोजाईको टोलीमा पर्न सफल उनले ३१ खेलबाट ७ गोल गर्दै क्लबलाई राष्ट्रिय च्याम्पियन बनाउन सघाउ पुर्याए। सन् २००६–७ को सिजनमा पनि डिनामाले पुनः लिग जित्यो। त्यसवर्ष उनले वर्षको उत्कृष्ट खेलाडीको अवार्ड जिते।

सर्बियन सेनाहरुका कारण धेरै कोएशियालीहरुले अाफ्नो गाउँ छाडेर जानुपरेको थियो

सर्बियन सेनाहरुका कारण धेरै कोएशियालीहरुले अाफ्नो गाउँ छाडेर जानुपरेको थियो

चार वर्ष डिनामोमा बिताएका उनले ३१ गोल आफै गरे भने २९ गोलमा सहायकको भूमिका निर्वाह गरे। उनकै उत्कृष्ट प्रदर्शनमा २००७–०८ को सिजनमा डिनामोले क्रोएशियन कपको उपाधि जित्दा दोस्रो स्थानको क्लब भन्दा २८ अंकको अग्रता हासिल गरेको थियो।

प्रिमियर लिग हुदैँ ला लिगा
एकपछि अर्को सिजनमा डिनामोमा उत्कृष्ट प्रदर्शन गर्दै गएपछि मोडरिकलाई विभिन्न ठूला यूरोपियन क्लबहरुबाट प्रस्ताव आउन थाल्यो। बार्सिलोना, आर्सनल, चेल्सी, टोट्नह्याम हट्सपुर लगायतको प्रस्ताव उनीकहाँ पुगेको थियो।

तर, मोडरिक भने २००८ मा १६.५ पाउन्डमा ६ वर्षका लागि टोटनह्याममा आवद्ध भए। उक्त रकम त्यसअघि २००७ मा क्लबले सबैभन्दा महंगो खेलाडीका रुपमा भित्र्याएका इंग्ल्याण्डका डारिन बेन्टलाई तिर्दाको रकमसँग बराबरी थियो।

टोट्नह्याम हट्सपुरमा उनी उत्कृष्ट खेलाडी कहलिए

टोट्नह्याम हट्सपुरमा उनी उत्कृष्ट खेलाडी कहलिए

टोट्नह्यामबाट १ सय २७ खेल खेल्दै चार सिजन बिताएपछि २०१२ मा उनी पाँच वर्षे सम्झौतामा ला लिगा क्लब रियल म्याड्रिड पुगे। म्याड्रिडले उनलाई ३० मिलियन पाउन्डमा अनुबन्ध गरेको थियो।

सम्झौता भएको दुई दिन पश्चात् नै उनले बार्सिलोनाविरुद्ध म्याड्रिडबाट डेब्यू गरेका थिए। उनी २०१२ को सुपर कोपा डी स्पोनाको फाइनलमा जर्मनीका मेसुट ओजिलको स्थानमा मैदान प्रवेश गरेका थिए।

रियल म्याड्रिडबाट मोडरिचले चारवटा च्याम्पियन्स लिगको ट्रफी जिते

रियल म्याड्रिडबाट मोडरिचले चारवटा च्याम्पियन्स लिगको ट्रफी जिते

खेल जितेपछि क्लबसँग आवद्ध भएको ३६ घन्टामै उनले पहिलो ट्रफी उठाउन पाए। म्याड्रिडबाट उनले चार च्याम्पियन्स लिग, तीन क्लब विश्वकपसँगै ला लिगा र कोपा डेल रेको उपाधि पनि जितिसकेका छन्।

पारिवारिक जीवन
२०१० मा मोडरिचले आफ्नो एजेन्टको भूमिका निर्वाह गर्दै आएकी भान्जा बोस्निकसँग लगनगाठो कसे। एउटा स्पोर्टस् एजेन्सीमा उनीहरुबीच पहिलो पटक भेट भएको थियो। बोस्निक त्यहीँ काम गर्थिन्।

मोडरिचकी श्रीमती, छोरा र दुर्इ छोरीहरु

मोडरिचकी श्रीमती, छोरा र दुर्इ छोरीहरु

केही समय रिलेसनसीपमा रहेपछि उनीहरु वैबाहिक जीवनमा प्रवेश गरेका थिए। विवाह भएको तीन हप्तापछि उनीहरुको पहिलो छोरा इभानोको जन्म भएको थियो। त्यसपश्चात् उनीहरुसँग थप दुई छोरीहरु छन्।

मोडरिकको सफलतामा बोस्निकको ठूलो हात छ। रियल म्याड्रिडमा ३० मिलियन पाउन्डमा मोडरिकलाई अनुबन्ध गराउन उनले ठूलो भूमिका खेलेकी थिइन्।

यो विश्वकपको सबैभन्दा उत्कृष्ट खेलाडी
मोडरिचले विश्वकप छनोटको दोस्रो चरणमा ग्रिसविरुद्ध पेनाल्टीमा गोल गर्दै क्रोएशियालाई रुस विश्वकपमा पुर्याएका थिए। विश्वकपमा क्रोएशिया समूह डीमा आइसल्याण्ड, नाइजेरिया र अर्जेन्टिनासँग परेको थियो। नाइजेरियाविरुद्धको समूह चरणको पहिलो खेलमा कप्तान मोडरिचले कर्नरबाट प्रहार गरेको गोल नाइजेरियन खेलाडीलाई लाग्दै गोलमा परिणत भएको थियो भने दोस्रो गोल उनले पेनाल्टीमार्फत् गोल गर्दै म्यान अफ द म्याच चुनिएका थिए।

क्रोएशियाका कप्तानले अाफ्नो टोलीलार्इ पहिलोपटक विश्वकपको फाइनलसम्म पुर्याएका छन्

क्रोएशियाका कप्तानले अाफ्नो टोलीलार्इ पहिलोपटक विश्वकपको फाइनलसम्म पुर्याएका छन्

अर्जेन्टिनाविरुद्धको समूह चरणको दोस्रो खेलमा उनले २५ यार्ड टाढाबाट सनसनीपूर्ण गोल गरेका थिए। र, यस खेलमा पनि उनी म्यान अफ द म्याच चुनिए। आइसल्याण्डविरुद्ध पनि प्रभावशाली प्रदर्शन गरेपछि उनलाई समूह चरणको सर्बोत्कृष्ट खेलाडी भनिएको थियो।

अन्तिम १६ मा डेनमार्कविरुद्ध निर्धारित समयमा क्रोएशिया १–१ को बराबरीमा रोकिँदा उनले एन्टि रोबिकलाई गोल गर्ने अवसर श्रृजना गरिदिएका थिए। सो खेलमा उनले पाएको पेनाल्टीमा भने गोल गर्न सकेनन्। तर पेनाल्टी सुटआउटमा निर्णायक पेनाल्टी परिणत गर्दै टोलीलाई क्वार्टरफाइनलमा पु¥याए।

क्वार्टरफाइनलमा रुसविरुद्ध अतिरिक्त समयमा २–२ को बराबरी हुँदा अतिरिक्त समयमा डोमागोज भिदाले गरेको गोलमा उनले सहायकको भूमिका खेलेका थिए। यस्तै त्यो खेलमा पनि निर्णायक पेनाल्टी परिणत गर्दै टोलीलाई सेमिफाइनल पु¥याए भने आफू तेस्रो पटक म्यान अफ द म्याच चुनिए। 

लुका मोडरिच

लुका मोडरिच

सेमिफाइनलमा बुधबार राति इंग्ल्याण्डलाई २–१ ले पराजित गर्दै क्रोएशिया इतिहास रच्दै पहिलोपटक विश्वकपको फाइनलमा पुगेको छ। क्रोएशियालाई ऐतिहासिक उपलब्धि दिलाउने यी खेलाडीको मेहनत, त्याग र समर्पण भने सबैका लागि प्रेरणादायी छ। -(एजेन्सीहरुको सहयोगमा)