ओली र नेपाल राष्ट्रपतिबारे छलफल गर्न भेट गर्दै
कार्यक्रमको सिलसिलामा नेपाल काठमाडौं बाहिर रहेको र उनी काठमाडौं फर्किएलगत्तै यी दुई नेताबीच भेटघाट हुने सम्भावना रहेको ती नेताले बताए ।
‘यसअघि जस्तै राष्ट्रपतिमा नेकपा एमालेले माधवकुमार नेपाललाई समर्थन गर्ने विषयमा भेट हुने हो,’ उनले भने, ‘समय र स्थान तय भइसकेको छैन ।’
सोमबार भएको यी दुई नेताको भेटमा ओलीले पार्टी एकता गर्ने सर्तमा आफूले राष्ट्रपतिमा माधवकुमार नेपाललाई अगाडि सार्न सक्ने बताएका थिए ।
तर आज दिउँसो दाङमा भएको कार्यक्रममा नेपालले आफूलाई कतैबाट राष्ट्रपतिका लागि औपचारिक प्रस्ताव नआएको बताएका छन् र यसबारे आफूले सोचिनसकेको पनि बताएका छन् ।