माओवादी नेतृत्वले मात्र सबै दललाई मिलाएर लैजान सक्छ : प्रधानमन्त्री

‘त्यो मत प्रधानमन्त्रीलाई प्राप्त मत मात्र होइन, परिवर्तनको नीति र नेतृत्वलाई प्राप्त मत हो। यसले उत्पीडित वर्त, जाति, क्षेत्र, लिंगप्रति पनि न्याय भएको मैले महसुस गरेको छु,’ प्रचण्डले भने, ‘संसदमा झण्डै शतप्रतिशत मत प्राप्त गर्नु सामान्य कुरा होइन। यसको ऐतिहासिक महत्व छ। भोलि कसरी जान्छ अहिल्यै भन्न सकिँदैन। तर, एउटा इतिहास त लेखियो। यसलाई कसैले मेट्न वा उल्टाउन सक्दैन।’

यसले माओवादी नेतृत्वले मात्र देशलाई एकताबद्ध गर्नसक्छ भन्ने प्रमाणित गरेको भन्दै उनले राष्ट्रिय सहमति कायम गरेर सबै दलहरूलाई मिलाएर लैजान सक्ने माओवादी नेतृत्व मात्र भएको दाबी गरे ।