रास्ट्रपति चुनावी : खेल हो, कसले जित्ने हार्ने ठेगान छैन
विश्वासको मत लिने नाममा कांग्रेससँग प्रचण्डको निकटता बढेको र उहाँ आफैँले समीकरण बद्लिएको अवस्था भयो भनेकाले सबैसँग कुरा गर्ने एमालेको नीति छ । पुस १० मै सबै हिसाव किताव सकिएको भनेर एमाले अध्यक्ष केपी ओलीले भन्नु त भयो । तर, उहाँ आफैँ त्यो टिक्नेमा विश्वस्त हुनुहुन्न । त्यसमाथि कांग्रेस महामन्त्री विश्वप्रकाश शर्माले ‘राष्ट्रपति हामीले प्रस्ताव गरेको व्यक्ति नै बन्छ’ भन्नुले पनि शंकाको सुविधा दिएको छ । विश्वप्रकाशले ‘मेरो गोरुको बाह्रै टक्का’ को शैलीमा आफ्नै पार्टीको उम्मेदवार हुन्छ भनेका छैनन् । त्यसैले राजनीतकबृत्तमा नयाँ घटनाको विकास भइरहेको बुझ्न सकिन्छ । कूल ५६ हजार मतभार हुँदा करिब २२ हजार सेरोफेरो अहिलेको समीकरणसँग छ । ४ हजारको सेरोफेरोमा अरुको तानतुन गर्दा बल्ल ५० प्रतिशत मत कट्ने हो । त्यसमाथि माओवादीले एमालेको प्रतिस्पर्धीलाई गुपचुप सहयोग गरिदियो भने त्यतै बहुमत पुग्छ । भनिन्छ, त्यस्तो सम्भावना प्रवल छ ।
ओलीका अप्ठ्यारा
जसैगरी पनि राष्ट्रपति आफ्नो मान्छेलाई बनाउनुपर्ने र त्यसपछि धारा ७६ को उपधारा ३ हैन, २ बमोजिम नै नयाँ प्रधानमन्त्रीको आह्वान गरिदिने राष्ट्रपति केपी ओलीको आवश्यकता हो । त्यसका लागि सीता पौडेल, डोरमणि पौडेल, गुरु बराल, सत्यनारायण मण्डलजस्ता नामहरू ओलीका खल्तीमा छन् । यसबीच पार्टी र सरकारलाई राम्रोसँग चलाएर जाऔँ भनी जनार्दनलाई प्रचण्डले खटाएका छन । उनको लाइन एमालेसँग भन्दा काँग्रेससँगै मिलेर जानु उपयुक्त हुने छ ।