विप्लव र प्रधानमन्त्री प्रचण्डबीच भेटवार्ता , के भयो कुराकानी ?

१२ बैशाख २०८०, मंगलवार ०४:३१

काठमाडौ । नेपाल कम्युनिस्ट पार्टीका महासचिव विप्लव र प्रधानमन्त्री प्रचण्डबीच हिजो साँझ भेटवार्ता भएको छ । नेकपाका प्रवक्ता प्रकाण्ड , पुर्वप्रधानमन्त्री माधवकुमार नेपाल र माओवादी केन्द्रका उपाध्यक्ष कृष्णबहादुर महरासमेत सहभागी भएको उक्त भेटवार्तामा देशको वर्तमान राजनीतिक संकटको बिषयमा गम्भीर छलफल भएको बताइएको छ। नेता र पार्टी प्रति जनताको भरोसा घटेको र सबै बामपंथीहरु एकताबद्ध हुनु आवश्यकता बढेको बिसयमा गम्भीर कुराकानी भएको माधव नेपालको सचिवालयले जानकारी दिएको छ।

यसैगरी, उक्त भेटवार्तामा देशमा देखा परेको समस्याको समाधानका लागि क्रान्तिकारी कम्युनिस्ट, प्रगतिशील , सच्चा लोकतन्त्रवादी र देशभक्तहरु एकजुट भएर अगाडी बढ्न आबश्यक भएकोले ‘समाजवादी संयुक्त मोर्चा गठनको विषयमा छलफल भएको बताईएको छ ।
उक्त भेटवार्तामा नेकपाका बन्दी नेता – कार्यकर्ताको रिहाई र झुटा मुद्धा खारेजीका साथै रेशम चौधरीलगायतको रिहाइको विषयमा समेत छलफल भएको बताइएको छ ।