१० वर्षे सशस्त्र जनयुद्धमा सँगै सहभागी भएका विभिन्न माओवादी नामका पार्टीहरूको बैठक बस्दै छ। मंगलबार प्रधानमन्त्रीको सरकारी निवास बालुवाटारमा बैठक बसेको छ। प्रधानमन्त्री समेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्डको सचिवालयका अनुसार बिहान साढे ९ बजे बाट बैठक जारी छ।

यसअघि फागुन २१ मा माओवादी घटकका नेताहरु प्रचण्ड, बाबुराम भट्टराई, नेत्रविक्रम चन्द , कर्णजित बुढाथोकी र धर्बेन्द्र बास्तोला एउटै मञ्चमा देखिएका थिए।

सहिद तथा वेपता योद्धा सन्तति फाउन्डेसनले आयोजना गरेको सो कार्यक्रममा नेताहरूले माओवादी घटकहरू मिल्नुको विकल्प नभएको बताएका थिए।