विप्लव माथिको प्रतिवन्ध फिर्ता लिन बालुवाटारमा मन्त्रिपरिषदको बैठक

सरकारले झण्डै दुई वर्षदेखि लगाउँदै आएको विप्लव नेकपामाथिको राजनैतिक प्रतिबन्ध फिर्ता लिन मन्त्रिपरिषदको बैठक अहिले प्रधानमन्त्री निवास बालुवाटारमा जारी छ।

केहीबेर अगाडि सुरु भएको बैठकले नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीमाथि लगाइएको प्रतिबन्ध हटाउने गर्ने एक मन्त्रीले बताए।

बैठकले प्रतिबन्द फुकुवाको निर्णय गरेर विप्लव नेकपालाई औपचारिक रुपमा वार्ताको लागि आह्वान गर्ने ती मन्त्रीले जानकारी दिए। सरकारले वार्ताको वातावरण बनाए आफूहरु संवादका लागि तयार रहेको भन्दै शनिबार  विप्लव आफैले विज्ञप्ति जारी गरेका थिए।

यस अघि सरकारका प्रतिनिधि र विप्लव नेकपाका दोस्रो तहका नेताहरुबीच अनौपचारिक वार्ता भने भइरहेको जनाइएको छ।

 संसदीय व्यवस्थाको विकल्पमा वैज्ञानिक समाजवादका लागि जनमत संग्रहमा जाने विप्लव नेकपाले वार्ताको प्रमुख एजेन्डा तय गरेको बुझिएको छ ।

सरकारका एक उच्चस्तरीय मन्त्रीमण्डलका सदस्यका अनुसार सरकार र विप्लव नेकपा दुवैले वार्ता टोली आजैं नै घोषणा गर्ने भएका छन् ।

Leave a Reply

Your email address will not be published. Required fields are marked *