विप्लव माथिको प्रतिवन्ध फिर्ता लिन बालुवाटारमा मन्त्रिपरिषदको बैठक

केहीबेर अगाडि सुरु भएको बैठकले नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीमाथि लगाइएको प्रतिबन्ध हटाउने गर्ने एक मन्त्रीले बताए।

बैठकले प्रतिबन्द फुकुवाको निर्णय गरेर विप्लव नेकपालाई औपचारिक रुपमा वार्ताको लागि आह्वान गर्ने ती मन्त्रीले जानकारी दिए। सरकारले वार्ताको वातावरण बनाए आफूहरु संवादका लागि तयार रहेको भन्दै शनिबार  विप्लव आफैले विज्ञप्ति जारी गरेका थिए।

यस अघि सरकारका प्रतिनिधि र विप्लव नेकपाका दोस्रो तहका नेताहरुबीच अनौपचारिक वार्ता भने भइरहेको जनाइएको छ।