काठमाडौं- प्रहरी प्रधान कार्यालय नक्सालमा कार्यरत ७२ जना प्रहरी कोरोना भाइरसबाट संक्रमित भएका छन् ।

आज (शुक्रबार) थप १८ जनामा कोरोना पुष्टि भएसँगै हेडक्वाटरमा संक्रमित हुने प्रहरीको संख्या ७२ पुगेको हो ।

संक्रमितहरूमध्ये अधिकांश सवारी चालक, मेकानिक, सञ्चार शाखामा कार्यरत र मेसमा कार्यरत प्रहरीहरु रहेका छन् ।

संक्रमितहरु धेरैजसो सवारी चालक र सञ्चार शाखाका रहेका छन् । उनीहरुलाई बलम्बुस्थित सशस्त्र प्रहरीको अस्पतालका भर्ना गरिएको छ ।

पहिले संक्रमित भएका ४ जनाको कन्ट्याक्ट ट्रेसिङको आधारमा स्वाब संकलन गरिएकामा कोरोना संक्रमण पुष्टी भएको केन्द्रीय प्रहरी प्रवक्ता एसएसपी कुवेर कडायतले जानकारी दिए ।

यो संगै देशभर कोरोना संक्रमण हुने प्रहरीको संख्या २ सय ५० पुगेको छ ।