डडेलधुराको गन्यापधुरा गाउँपालिकामा रहेको क्वारेन्टिनमा एक महिलाको मृत्यु भएको छ ।

गन्यापधुरा गाउँपालिकाको असिग्राम माध्यामिक विद्यालयमा रहेको क्वारेन्टिनमा रहेकी सोहि गाउँपालिकाकी वडानम्बर २ की ३० वर्षीय महिलाको मंगलबार राति मृत्यु भएको हो ।

राति श्रीमानसँग शौचालय गएकी महिला अचानाक बेहोस भएर ढलेकी थिइन् । उनको केहि समयमै क्वारेन्टिनमै मृत्यु भएको प्रहरी चौकीका प्रमुख प्रहरी सहायक निरीक्षक धनबहादुर बिष्टले जानकारी दिए ।

प्रहरीका अनुसार उनी आफ्ना श्रीमानसहित ४ दिनअघि भारतबाट फर्केकी थिइन् । उनको मृत्यु कसरी भयो भन्नेबारे जिल्ला स्वास्थ्य कार्यालयले बुझिरहेको बताएको छ । उनको कोरोना परिक्षणका लागि स्वाव संकलन गरिएको छ ।