काठमाडौं । सरकारले चैत ९ गतेदेखि २१ गतेसम्म अत्यावश्यकबाहेकका सरकारी, निजी कार्यालय बन्द गर्ने निर्णय गरेको छ ।

अत्यावश्यक सेवा बाहेकका सबै सेवाहरु चैत ९ देखि २१ गतेसम्म बन्द गर्ने प्रधानमन्त्री केपी शर्मा ओलीको घोषणापछि कोरोना भाइरसको सन्त्रास बढिरहेका बेला अब सरकारले विभिन्न १९ अत्यावश्यक कार्यालय मात्रै खोल्ने निष्कर्षमा पुगेको छ । नेपाल राजपत्रमा १९ वटा अत्यावश्यक सेवा उल्लेख गरिएको छ ।

यि हुन् अत्यावश्यक सेवा:

१) डाँक, तार वा टेलिफोन सेवा

२) जल, स्थल वा हवाईमार्गबाट यात्री वा मालसामान ओसार पसार गर्न यातायात सेवा (प्रधानमन्त्रीले गरेको सम्बोधनमा भने आइतबारदेखि सार्वजनिक सवारीका साधान नचलाउन आग्रह गरिएको छ भने नेपाल भित्रिने सबै अन्तर्राष्ट्रिय हवाई उडान रद्द गरिएको छ ।)

३)ं हवाई अड्डा वा हवाई जहाजको देखभाल, त्यसको सञ्चालन वा मर्मत गर्ने कामसँग सम्बन्धित सेवा

४) हवाई ग्राउन्ड, रेलवे स्टेसन वा सरकारी गोदममा मालसामान ओसार पसार गर्ने वा राख्ने झिक्ने वा थन्क्याउने कामसँग सम्बन्धित सेवा

५) प्रिन्ट वा सरकारी छापाखानासम्बन्धी सेवा

६) हातहतियार खरखजाना वा अरु कुनै सैनिक सरसामानको उत्पादन गर्ने, थन्क्याउने, वितरण गर्ने कामसँग सम्बन्धित नेपाल सरकार रक्षा व्यवस्थाको कुनै सेवा

७) सञ्चार सेवा

८ ) आन्तरिक सुरक्षा कार्यसँग सम्बन्धित सेवा

९) खानेपानीको सञ्चालन तथा वितरण सेवा

१०) पर्यटन आवास, मोटल, होटल, रेष्टुँरा र रिसोर्टसम्बन्धी सेवा

११) पेट्रोलिम पदार्थको पैठारी, ढुवानी, भण्डारण तथा वितरणसम्बन्धी सेवा

१२) अस्पताल, स्वास्थ्य केन्द्र र औषधि निर्माण तथा बिक्री वितरणसम्बन्धी सेवा

१३) फोहरमैलाको संकलन, ढुवानी, प्रशोधन, बिसर्जन, स्थान निर्माण, पूर्वाधार निर्माण र संकलन स्थल एवं व्यवस्थापनसँग सम्बन्धित सेवा

१४) बैंकिङ सेवा

१५) बिमा सेवा

१६) विद्युत् सेवा

१७) दैनिक उपभोग्य वस्तुहरू ९खाद्यान्न, दालचामल, नुन, तेल०को पैठारी, ढुवानी, भण्डारण तथा वितरणसम्बन्धी सेवा

१८) मौसम पूर्वानुमान महाशाखा

१९) औषधि निर्माण तथा बिक्री वितरण