"> रोल्पाको थवाङले के सन्देश दियो ? – www.agnijwala.com
Breaking News: क्वारेन्टाइन मा बसेका नागरिकका पिडाले निदाउदैनन अध्यक्ष चोैलागाईँ / कणाली स्वास्थ्य विज्ञान प्रतिष्ठानको एक हप्तासम्म स्वाब नपठाउन आग्रह / रुकुम पश्चिम घटनाबारे छानबिन गर्न संसदीय विशेष समिति गठन / बर्दियाबाट जुम्ला आएर क्वारेन्टिनमा बसेका एक ब्याक्तिको निधन / कोरोना संक्रमणबाट गएराति जुम्लामा एक जनाको मृत्यु / जनस्वास्थ्य विपद् घोषणाका लागि आवश्यक गृहकार्य शुरु, मुलुकमा आपत्काल लागू हुन सक्ने ! / कर्णाली प्रदेशको नीथि तथा कार्यक्रम पारित / राष्ट्र बैंकले ल्यायो पुनःकर्जा कार्यविधि, साना उद्याेगले १५ लाख रुपैयाँसम्म पाउने / सरकारले एमसीसी पारित गरे जनसरकारले प्रतिरोध गर्ने केन्द्रीय जनपरिषद्को चेतावनी /

रोल्पाको थवाङले के सन्देश दियो ?

रोल्पाको थवाङ नेपालको राजनीतिमा विशेष महत्वको क्षेत्र हो । थवाङले पञ्चायती व्यवस्थाप्रति तिव्र विरोधको शैली देखायो । राष्ट्रिय पञ्चायतको चुनावमा सुन्य मतदानका कारण आफूलाई देशभर चिनायो ।

पञ्चायती व्यवस्थापछि बहुदल आयो । बहुदलपछि बनेको सरकारले गराएका चुनावमध्ये कतिपयमा बहिष्कारको आव्हानलाई समर्थन गर्यो । माओवादी जनयुद्धको आधार स्थल मानिएको थवाङमा बहुदलकालमा भएका चुनावहरुमा निकै कम मतदान भएको इतिहास साक्षी छ । थवाङमा चुनाव गर्नै मुश्किल परेको घटना छन् । थवाङवासी मतदानमै सहभागी भएनन् ।

माओवादी शान्ति प्रक्रियामा आएपछि भएको पहिलो संविधानसभाको चुनावमा थवाङमा उत्साहप्रद मतदान भयो । तर, पछिल्लो संसदको चुनावमा कम मत खस्यो । यसपटक थवाङ गाउँपालिका १ को वडाध्यक्षको चुनावमा जम्मा १६ प्रतिशत मात्र मत खस्यो । थवाङवासीले सत्ताप्रति विरोधको शैली देखाए ।

नेत्रविक्रम चन्द विप्लव नेतृत्वको नेकपाको प्रभाव रहेको थवाङले फेरि आफूलाई सत्ताको विरोधी देखायो । उपनिर्वाचनमा थवाङको वडामा मात्र २०९ मत खस्यो । यसलाई निकै अर्थपूर्ण मानिएको छ । थवाङले फेरि सत्ताविरोधी शैली देखाएको चर्चा चलिसकेको छ ।

पञ्चायतकालमा रोल्पामा कट्टर राजावादीहरु चुनाव जित्थे । तर, रोल्पाले बहुदलका लागि महत्वपूर्ण योगदान गर्यो । सत्ताप्रति तिव्र असन्तुष्टि देखायो । बहुदलपछि रोल्पामा काँग्रेस र कम्युनिष्टले चुनाव जितेको इतिहास छ । तर, रोल्पामा पुनः कम्युनिष्ट हावी भए । काँग्रेस सत्तामा थियो भने कम्युनिष्ट सत्ता बाहिर ।

काँग्रेस र तत्कालिन नेकपा एमालेभन्दा भिन्न कट्टर कम्युनिष्ट तत्कालिन माओवादीको आधारभूमि बन्यो रोल्पा । विद्रोही शैली रोल्पाको इतिहास बनिसक्यो ।

यसपटक रोल्पाको लिवाङमा सत्तामा रहेको नेकपाका उम्मेदवारले चुनाव जितेपनि जुन प्रतिशतको मत खस्यो त्यसले बहिष्कारको पक्षलाई साथ दिएको सन्देश गयो । थवाङ फेरि सत्ताप्रति तिव्र असन्तुष्टि जनाउन पुग्यो ।

Leave a Reply

Your email address will not be published. Required fields are marked *