/प्रधानमन्त्री सहभागी कार्यक्रममा नगएका अमेरिकी राजदूतले मन्त्री भेटे

प्रधानमन्त्री सहभागी कार्यक्रममा नगएका अमेरिकी राजदूतले मन्त्री भेटे

काठमाडौं । भेनेजुयलाको विषयमा नेकपा अध्यक्ष प्रचण्डले विज्ञप्ति जारी गरेपछि रुष्ट रहेको अमेरिकाका नेपालका लागि राजदूतले आज नेपाल सरकार शिक्षा मन्त्रीलाई भेटेका छन् । अन्तर्राष्ट्रिय समुदायलाई केही समय अघि प्रधानमन्त्री सहितको कार्यक्रममा अनुपस्थित बनेका राजदूत र्यान्डी बेरीले आज नेपाल सरकारका शिक्षा बिज्ञान तथा प्रविधि मन्त्री गिरिराजमणि पोखरेलसँग भेट गरेका हुन् ।

मन्त्री पोखरेललाई भेट्न मन्त्रालय आएका राजदूत बेरीले नेपालको शिक्षा क्षेत्रको विकासको निम्ती अमेरिकाले सधैं सहयोग गर्ने प्रतिवद्धता व्यक्त गरे । शिक्षाको जग बसाल्न प्राथामिक शिक्षामा बिषेश सहयोग गर्न तयार रहेको उनको भनाई थियो ।

आफुसँग शिक्षा क्षेत्रको धेरैं अनुभव भएको र शिक्षा क्षेत्र कैं व्यक्ति भएको परिचय दिदैं राजदूत बेरीले दुई पटक शिक्षा मन्त्री हुनभएका मन्त्री पोखरेल संग अनुभव साट्न र समग्र शिक्षा क्षेत्रको विकासमा सहकार्य गर्न भेट्न चाहेको बताए । उनले नेपालका बिद्यालयहरुमा अग्रेजी भाषा प्रशिक्षणका लागि खटिएका स्वयम्सेवकहरुलाई भिषाको प्रक्रिया सहज बनाई दिन पनि अनुरोध गरे ।

भेटमा मन्त्री पोखरेलले शिक्षामा प्रत्यक्ष एवं अप्रत्यक्ष रुपमा सहयोग पुर्याउँदै आएकोमा अमेरिकी सरकारलाई बिषेश धन्यवाद ज्ञापन व्यक्त गर्दे सहयोगको निरन्तरताको अपेक्षा पनि गरिएको बताए ।

युवा जनशक्ति लाई श्रम प्रति उन्मूख गर्दै श्रमलाई सीप संग, सीपलाई आय आर्जनसंग र आयआर्जनलाई संबृद्धिसंग जोड्ने अभियानमा नेपाल सरकार रहेको बताउँदैं मन्त्री पोखरेलले प्राविधिक शिक्षामा जोड दिने कार्यक्रममा सहकार्यको अपेक्षा राखिएको बताए ।