चौथो कार्यकालको लागि बंगलादेशको अवामी लिगकी अध्यक्ष शेख हसिनाले सोमबार प्रधानमन्त्रीका रूपमा पद तथा गोपनीयताको शपथ लिँदै छन् । गत डिसेम्बर ३० मा सम्पन्न निर्वाचनबाट उनको दलले संसदमा बहुमत हासिल गरेसँगै हसिना पुनः प्रधानमन्त्रीमा नियुक्त हुन लागेकी हुन् । यसअघि ७१ वर्षीया हसिना सन् २००९ देखि लगातार बंगलादेशको प्रधानमन्त्रीमा रहेकी छिन।

आज मन्त्रिपरिषदको बिस्तार हुनेे छ। जसमा ४७ जनाको संख्या मन्त्रिपरिषद सदस्य रहनेछन् । ती मन्त्रीहरूमा ३१ जना भने नयाँ अनुहारका मन्त्रीहरू हुने पनि प्राप्त समाचारमा जनाइएको छ ।

बंगलादेशका राष्ट्रपति अब्दुल हमिदले आजै अपराह्न प्रधानमन्त्री शेख हसिनालाई शपथ ख्वाउने जनाइएको छ ।

राष्ट्रपति अब्दुल हमिदले बहुमत प्राप्त पार्टीका अध्यक्ष शेख हसिनालाई सरकार गठन गर्न औपचारिक आमन्त्रण गरेका छन् ।