/प्रभुले ल्यायो ‘प्रभु अनलाईन ट्रेडिङ बचत खाता’, अब ब्रोकर अफिस धाउनु नपर्ने

प्रभुले ल्यायो ‘प्रभु अनलाईन ट्रेडिङ बचत खाता’, अब ब्रोकर अफिस धाउनु नपर्ने

प्रभु बैंकले शेयर लगानीकर्ताहरुलाई लक्षित गरी प्रभु अनलाईन ट्रेडिङ बचत खाता सञ्चालनमा ल्याएको छ । नेप्सेको स्वचालित अनलाईन कारोबारको राफसाफ बैंकको रुपमा प्रभुलाई तोकेपछि बुधबारबाट बैंकले अनलाईन ट्रेडिङ बचत खाता सञ्चालनमा ल्याएको हो ।

यससंगै प्रभु बैंकमा खाता हुने लगानीकर्ताहरुले स्वचालित प्रणालीबाट अनलाईन शेयर कारोबार गरी शेयर खरिद विक्री बापतको रकम रकमान्तर तथा राफसाफ गर्दा अब शेयर दलाल तथा बैंक सम्म पुग्नु पर्ने छैन ।

प्रभु अनलाईन ट्रेडिङ बचत खाताबाट लगानीकर्ताहरुले घरमै बसी बसी सजिलै स्वचालित अनलाईन शेयर कारोबार गर्न तथा शेयर खरिद विक्री बापतको रकम राफसाफ गर्न सक्ने बैंकले जारी गरेको बिज्ञप्तीमा उल्लेख छ ।

बैंकले प्रभु अनलाईन ट्रेडिङ बचत खाता खोली कारोबार गर्ने लगानीकर्तालाई निःशुल्क ई- बैकिंग सेवा उपलब्ध गराउने समेत जनाएको छ ।