/कम्बोडियाको निर्वाचनमा विश्वसनीयताको अभाव भएको इयूको भनाइ

कम्बोडियाको निर्वाचनमा विश्वसनीयताको अभाव भएको इयूको भनाइ

Share on Social Media
१५ साउन, ब्रसेल्स । युरोपेली संघ (इयु)ले कम्बोडियामा भएको निर्वाचनमा विश्वसनीयताको अभाव भएको जनाएको छ ।

नागरिकको चाहना प्रकट नभएको र अहिलेका शासकको प्रभावमा निर्वाचनप्रतिको विश्वसनीयतामा कमी देखिएको इयुले सोमबार जनाएको छ ।

गत आइतबार अर्थात् यही जुलाई २९ तारिखका दिन भएको निर्वाचनमा सामान्य प्रक्रिया पनि पुरा नगरेको र आधारभूत लोकतान्त्रिक मान्यतालाई पनि बेवास्ता गरिएको इयूको वक्तव्यमा उल्लेख छ ।

इयुको विदेश मामिला कार्यालयद्वारा जारी विज्ञप्तिमा लेखिएको छ, “यस्तै विविध कारणले निर्वाचनमा विश्वसनीयताको अभाव देखिएको छ ।”

सन् १९९३ देखि भइरहेको द्वन्द्वबाट प्रभावित कम्बोडियामा अहिले छैठौँ आम निर्वाचन भएको हो । यस निर्वाचनले हुुन सेनको ३३ वर्षे नेतृत्वलाई थप्ने लगभग पक्का भएको छ ।

Share on Social Media

>>थप समाचारका लागि अग्निज्वाला संवादाता >>स्वच्छ, निष्पक्ष र मर्यादित समाज विकास र उन्नतीको पथमा अगाडी बढ्ने उदेश्यका साथ आवाज विहीनहरुको आवाज बनेर बाहिर प्रस्फुटन हुन नसकेको विचार,भावना र कुरालाई पत्रकारिता मार्फत बाहिर ल्याउने यस अनिज्वाला डट कमको उदेश्य हो ।